தமிழகத்தில் பருவ மழை பெய்து வரும் நிலையில், ஆந்திர மாநிலம், கிருஷ்ணாபுரம் அணையின் நீர் இருப்பு குறித்து பள்ளிப்பட்டு வட்டாட்சியர் சிவகுமார், ஆந்திர மாநில பொதுப்பணி துறை அதிகாரிகளிடம் கேட்டறிந்தார்.

அணையின் மொத்த உயரமான 60 அடியில், தற்போது 18 அடி மட்டுமே தண்ணீர் நிரம்பியுள்ளது. இதனால், தற்போதைக்கு அணையில் தண்ணீர் திறப்பு இல்லை என தெரிவிக்கப்பட்டுள்ளது.

பருவ மழை துவங்கியுள்ள நிலையில், தமிழக வருவாய் மற்றும் பொதுப்பணி துறை அதிகாரிகள் கிருஷ்ணாபுரம் அணை நிலவரம் குறித்து கவனித்து வருகின்றனர்.