சென்னையில் இருந்து ஆந்திர மாநிலம், பிச்சாட்டூர், புத்துார், நகரி, திருப்பதி, கடப்பா, கர்நுால், நந்தியால், ஐதராபாத் உள்ளிட்ட பகுதிகளுக்கு செல்லும் வாகனங்கள், ஊத்துக்கோட்டை பஜார் பகுதி வழியே செல்கின்றன.

மேலும், மணல், எம்.சான்ட் லாரிகள் அதிகளவில் இச்சாலை வழியே செல்கின்றன. வியாபாரிகள் சாலையை ஆக்கிரமித்து வியாபாரம் செய்கின்றனர். நெருக்கடி, ஆக்கிரமிப்பு, வேகமாக செல்லும் வாகனங்களால் அடிக்கடி விபத்து ஏற்படுகிறது. எனவே, பஜார் பகுதியில் வேகத்தடை அமைக்க வேண்டும் என, வாகன ஓட்டிகளிடையே கோரிக்கை எழுந்துள்ளது.