திருவள்ளூர் கலெக்டர் அலுவலக வளாகத்தில், வட்டார போக்குவரத்து துறை சார்பில் தேசிய சாலை பாதுகாப்பு மாதம் முன்னிட்டு சாலை பாதுகாப்பு விழிப்புணர்வு பேரணி நேற்றுமுன்தினம் நடந்தது. பேரணிக்கு எஸ்.பி., சீனிவாச பெருமாள் முன்னிலை வகித்தார்.

பேரணியில், மாணவ - மாணவியர், பொதுமக்கள் உள்ளிட்டோர் பங்கேற்று, பொதுமக்களுக்கு துண்டுப் பிரசுரம் வழங்கினர். இந்த பேரணி, கலெக்டர் அலுவலகத்தில் துவங்கி காமராஜர் சிலை வரை சென்று மீண்டும் கலெக்டர் அலுவலகத்தை வந்தடைந்தது.

நிகழ்ச்சியில், மாவட்ட வருவாய் அலுவலர் ராஜ்குமார், வட்டார போக்குவரத்து அலுவலர்கள் ரவிகுமார் - பூந்தமல்லி, சிவனாந்தம் - செங்குன்றம், மோட்டார் வாகன ஆய்வளார்கள் குணசேகரன், காவேரி, கருப்பையா உட்பட பலர் பங்கேற்றனர்.