திருவள்ளூர் மாவட்ட கூட்டுறவு துறை சார்பில், விவசாயிகளுக்கு பயிர் கடன் வழங்கும் நிகழ்ச்சி, கலெக்டர் அலுவலகத்தில் நேற்று நடந்தது.

திருவள்ளூர் கலெக்டர் பிரதாப் தலைமை வகித்து, குத்தம்பாக்கம், தாமரைப்பாக்கம், கிளாம்பாக்கம், பேரண்டூர் ஆகிய, தொடக்க வேளாண் கூட்டுறவு கடன் சங்கங்களின் சார்பில், 10 விசாயிகளுக்கு 10.25 லட்சம் ரூபாய் பயிர் கடன் வழங்கப்பட்டது.

மேலும், பூனிமாங்காடு தொடக்க வேளாண் கூட்டுறவு கடன் சங்கத்தின் சார்பில், மருதம் தீப எண்ணெய் விற்பனையை கலெக்டர் துவக்கி வைத்தார். 10 அகல் விளக்கு, அரை லிட்டர் தீபம் ஏற்றும் எண்ணெய் மற்றும் ஒரு தீப்பெட்டி அடங்கிய தொகுப்பு 110 ரூபாய்க்கு விற்பனை செய்யப்படுகிறது.

நிகழ்ச்சியில், கூட்டுறவு சங்க இணை பதிவாளர் ஜெயஸ்ரீ உள்ளிட்டோர் பங்கேற்றனர்.