/
உள்ளூர் செய்திகள்
/
திருவள்ளூர்
/
திருத்தணி முருகன் கோவிலில் வியாபாரிகள் டார்ச்சர்; பக்தர்கள் அவதி
/
திருத்தணி முருகன் கோவிலில் வியாபாரிகள் டார்ச்சர்; பக்தர்கள் அவதி
திருத்தணி முருகன் கோவிலில் வியாபாரிகள் டார்ச்சர்; பக்தர்கள் அவதி
திருத்தணி முருகன் கோவிலில் வியாபாரிகள் டார்ச்சர்; பக்தர்கள் அவதி
ADDED : நவ 30, 2025 12:18 AM
திருத்தணி: திருத்தணி முருகன் கோவிலுக்கு தேர்வீதியில் நடந்து வரும் பக்தர்களை முகம்சுளிக்க வைக்கும் வகையில், வியாபாரிகள் நடந்து கொள்வதால், கோவில் நிர்வாகம் மீது பக்தர்கள் அதிருப்தியில் உள்ளனர்.
திருத்தணி முருகன் கோவிலுக்கு தமிழகம் உள்பட பல்வேறு மாநிலங்களில் இருந்து தினமும் ஆயிரக்கணக்கான பக்தர்கள் வந்து செல்கின்றனர். மலைக்கோவில் வளாகம் மற்றும் தேர்வீதியில் சில வியாபாரிகள், பக்தர்களுக்கு இடையூறாக பழங்கள், சம்சா, மோர், மாங்காய் போன்ற தின்பண்டங்களை விற்பனை செய்து வருகின்றனர்.
சில வியாபாரிகள் பொருட்களை வாங்கிச் செல்லுமாறு பக்தர்களை கட்டாயப்படுத்தி, பின்தொடர்ந்து செல்கின்றனர். சிலர் தேர்வீதி மற்றும் கோவிலுக்கு செல்லும் பாதையில் கடைகள் வைத்து வியாபாரம் செய்வதால், நடந்து செல்ல முடியாமல் பக்தர்கள் கடும் சிரமப் படுகின்றனர்.
எனவே, கோவில் நிர்வாகம் உடனே நடவடிக்கை எடுத்து, பக்தர்கள் மற்றும் வாகன ஓட்டிகளுக்கு இடையூறாக உள்ள கடைகளை அகற்ற நடவடிக்கை எடுக்க வேண்டும் என, பக்தர்கள் கோ ரிக்கை விடுத்துள்ளனர்.

