கர்நாடக மாநிலம், பெங்களூருவை சேர்ந்த பக்தர்கள், மேல்மருவத்துாருக்கு பஸ்சில் சென்று மீண்டும் ஊர் திரும்பினர். திருவண்ணாமலை மாவட்டம், ஆரணி - வேலுார் சாலையில், சோமந்தாங்கல் கூட்ரோடு அருகே நேற்று மதியம் பஸ் வந்தது.

அப்போது, டி.வி.எஸ்., --- எக்ஸ்.எல்., சூப்பர் மொபட்டில் சென்ற ஆரணி அடுத்த கீழ்நகரை சேர்ந்த கூலி தொழிலாளிகள் கோபி, 37, கணேசன், 37, மீது பஸ் மோதியதில், படுகாயமடைந்த இருவரும், சம்பவ இடத்திலேயே பலியாகினர். ஆரணி தாலுகா போலீசார் விசாரிக்கின்றனர்.