இந்த மேல்நிலை நீர்த்தேக்கத் தொட்டி, போதிய பராமரிப்பில்லாததால், மிகவும் சேதமடைந்து பரிதாப நிலையில் உள்ளது. மேலும், குழாய் வால்வு பகுதி சேதமடைந்து குடிநீர் வீணாகி வருகிறது.

இவ்வாறு வீணாகும் குடிநீர், மேல்நிலை நீர்த்தேக்கத் தொட்டி அருகே குளம்போல் தேங்கியுள்ளது.

மேல்நிலை நீர்த்தேக்க தொட்டி சுத்தம் செய்யும் பணி நடைபெறாமேலேயே குடிநீர் விநியோகம் செய்யப்படுவதால் பகுதிவாசிகளுக்கு தொற்று நோய் அபாயம் ஏற்பட்டுள்ளது.

எனவே, சம்பந்தப்பட்ட வட்டார வளர்ச்சி அலுவலர் மேல்நிலை நீர்த்தேக்கத் தொட்டியை ஆய்வு செய்து நடவடிக்கை எடுக்க வேண்டும் என, புதுச்சத்திரம் பகுதிவாசிகள் கோரிக்கை விடுத்துள்ளனர்.