அந்த வகையில் நேற்று காலை, 10:00 மணிக்கு உற்சவர் முருகப்பெருமான் வள்ளி, தெய்வானையுடன் அன்னவாகனத்தில் எழுந்தருளினார். பின் தேர்வீதியில் அருள்பாலித்தார்.

இரவு, 7:00 மணிக்கு. வெள்ளி மயில் வாகனத்தில் உற்சவர் முருகர் தேர்வீதியில் அருள்பாலித்தார்.

நேற்று மாசி பிரம்மோற்சவம் மற்றும் திருமண முகூர்த்த நாள் என்பதால் பல்லாயிரக்கணக்கான பக்தர்கள் மலைக்கோவிலில் குவிந்ததால், பொது வழியில் இரண்டு மணி நேரம் காத்திருந்து மூலவரை தரிசித்தனர்.

மேலும் நுாறு ரூபாய் சிறப்பு தரிசனத்தில் ஒரு மணி நேரம் காத்திருந்து முருகப்பெருமானை தரிசனம் செய்தனர். திருத்தணி இன்ஸ்பெக்டர் மதியரசன் தலைமையில், 20க்கும் மேற்பட்ட போலீசார் பாதுகாப்பு பணியில் ஈடுபட்டனர்.