அதேபோல், கொசஸ்தலையாற்றில் எல்.வி.புரம், பாகசாலை பகுதிகளிலும், இருசக்கர வாகனங்கள் வாயிலாக இரவில் மணல் கொள்ளை அமோகமாக நடந்து வருகிறது.

இதுகுறித்து குப்பம்கண்டிகை பகுதிவாசிகள் கூறியதாவது:

கொசஸ்தலையாற்றில், இரவு 12:00 மணிக்கு மேல் வரும் மர்மநபர்கள், அதிகாலை 4:00 மணி வரை மணல் அள்ளிச் செல்கின்றனர். தொடர்ந்து மணல் அள்ளி வரும் இவர்கள், ஓரளவு மணல் சேகரித்ததும், வீடு கட்டுவோருக்கு விற்பனை செய்கின்றனர். இச்செயல் சமீபகாலமாக அதிகரித்துள்ளது.

வருவாய்த்துறை அதிகாரிகளுக்கு தகவல் தெரிவித்தால், 'களத்திற்கு வருகிறோம்' எனக் கூறுகின்றனர்; ஆனால் வருவதில்லை. காவல் துறையினரோ கண்டுகொள்வதில்லை. இதுகுறித்து மாவட்ட எஸ்.பி., மற்றும் கலெக்டர் உடனடியாக நடவடிக்கை எடுக்க வேண்டும்.

இவ்வாறு அவர்கள் கூறினர்.