கும்மிடிப்பூண்டி சிப்காட் போலீசார் ரோந்து சென்றபோது, சிப்காட் ஏ.ஆர்.எஸ்., சாலையில் பெரிய பையுடன் டூ-வீலரில் சென்ற நபரை நிறுத்தி விசாரித்தனர்.

முன்னுக்கு பின் முரணாக பேசியதால், அவர் வைத்திருந்த பையை சோதனையிட்டனர். அதில், 10 கிலோ எடையுடைய குட்கா பாக்கெட்டுகள் இருந்தன. டூ-வீலருடன் குட்கா பாக்கெட்டுகளை போலீசார் பறிமுதல் செய்தனர்.

பீஹார் மாநிலத்தை சேர்ந்த சரோஜ் ஷா, 34, என்பவரை கைது செய்தனர். கும்மிடிப்பூண்டி சிப்காட் வளாகத்தை ஒட்டி, கடை நடத்தி வரும் குமாரி, 45, என்பவருக்கு கொண்டு சென்றது தெரியவந்தது.