நெடுஞ்சாலைத் துறையின் அனுமதி இன்றி, பண்ணை வீட்டார் இந்த வேகத்தடையை அமைத்துள்ளனர். இந்நிலையில் நேற்று அதிகாலை 4:30 மணியளவில், சி.ஜி.என்.கண்டிகையை சேர்ந்த ஆறுமுகம் மகன் கேசவன், 24, இந்த வழியாக இருசக்கர வாகனத்தில் வேலைக்கு சென்று கொண்டிருந்தார். இரவோடு இரவாக திடீரென அமைக்கப்பட்ட வேகத்தடையை எதிர்பாராத கேசவன், வேகத்தடை மீது வாகனத்தை செலுத்திய போது, துாக்கி வீசப்பட்டார். படுகாயம் அடைந்த கேசவன், சென்னை ராஜிவ்காந்தி அரசு மருத்துவமனையில் அனுமதிக்கப்பட்டார். அங்கு சிகிச்சை பலனின்றி இறந்தார்.

இதுகுறித்து ஆர்.கே. பேட்டை போலீசார் விசாரித்து வருகின்றனர்.