துாத்துக்குடி :நடுக்கடலில், விசைப்படகை சிறைபிடித்த ஒரு கும்பல், மீனவரை கத்தியால் குத்தியதால் பரபரப்பு ஏற்பட்டது.துாத்துக்குடி மாவட்டம், தருவைகுளம், செங்கோல்மணிநகரை சேர்ந்த அமல நர்மதா ஆஷா என்பவருக்கு சொந்தமான விசைப்படகில், 9 மீனவர்கள் நேற்று முன்தினம் மாலை, கடலுக்கு மீன்பிடிக்க சென்றனர். வினோதன், 29, என்பவர் படகை ஓட்டினார்.துாத்துக்குடியில் இருந்து தெற்கில், 25 கடல் மைல் தொலைவில், நேற்று காலை, 7:00 மணியளவில் மீன்பிடித்து கொண்டிருந்தபோது, இரண்டு நாட்டுப்படகுகளில் வந்த திருநெல்வேலி மாவட்டம், கூத்தங்குழியை சேர்ந்த, 20க்கும் மேற்பட்ட மீனவர்கள், விசைப்படகை சிறை பிடித்தனர்.