தூத்துக்குடி : முன்னாள் படைவீரர்கள் அளிக்கும் தகுதியான கோரிக்கை மனுக்களுக்கு உடனுக்குடன் உரிய நடவடிக்கை எடுக்கப்படும் என்று கலெக்டர் செல்வராஜ் தெரிவித்தார்.தூத்துக்குடி கலெக்டர் அலுவலகத்தில் நேற்று முன்னாள் படைவீரர்களுக்கான சிறப்பு குறைதீர்க்கும் நாள் கூட்டம் கலெக்டர் தலைமையில் நடந்தது.45 முன்னாள் படைவீரர்கள் கூட்டத்தில் பங்கேற்று பாங்க் சம்பந்தமான கோரிக்கைகள், பட்டா மாறுதல், நில ஒதுக்கீடு, வேலை வாய்ப்புகள், ரேஷன் கார்டு உள்ளிட்ட கோரிக்கை சம்பந்தமாக மொத்தம் 33 மனுக்களை கலெக்டரிடம் அளித்தனர்.