முகாமில் 10ம் வகுப்பில் மாநில பாடத்திட்டத்தில் 90 சதவீத மார்க் பெற்றவர்கள், சிபிஎஸ்சி., பாடத்திட்டத்தில் 93 சதவீத மார்க் பெற்றவர்கள், ஐசிஎஸ்சி., பாடத்திட்டத்தில் 92 சதவீத மார்க் பெற்று தற்போது பிளஸ் 1 மற்றும் பிளஸ் 2 வகுப்புகளில் அறிவியல் பாடப்பிரிவுகளில் படித்து வரும் நெல்லை மற்றும் தூத்துக்குடி மாவட்டத்தை சேர்ந்த 125 பேர் கலந்து கொண்டுள்ளனர். முகாமில் அறிவியல் துறையை சேர்ந்த கல்வியாளர்கள், பட்நாகர் விருது பெற்றவர்கள், தேசிய மற்றும் உலகளவில் புகழ்பெற்ற விஞ்ஞானிகள், அறிவியல் ஆராய்ச்சி சம்பந்தமான ஆராய்ச்சி விளக்கங்கள், பாடத்திட்டங்கள், களப்பணி மற்றும் பயிற்சி மூலம் அறிவியல் ஆராய்ச்சி சார்ந்த கருத்துக்களை எடுத்துரைக்க உள்ளனர். 5 நாள் முகாமிற்கான ஏற்பாடுகளை ஒருங்கிணைப்பாளர் வீரபாகு மற்றும் பேராசிரியர்கள் செய்துள்ளனர்.