வாக்குப்பதிவு அலுவலர்களின் பணிகள் பற்றி விவரமாக பயிற்சி அளிக்கப்பட்டது. பயிற்சியில் தபால் வாக்கு தொடர்பாக படிவம் 15 மற்றும் 16 வழங்கப்பட்டது. தபால் வாக்கு அளிக்கும் பொழுது தவறாமல் படிவம் 17 ஐ பூர்த்தி செய்து கையொப்பமிட்டு வாக்குச் சீட்டுடன் இணைத்து வாக்களிக்க நினைவூட்டப்பட்டது. படிவம் 17 இணைக்கப்படவில்லையென்றால் செல்லாத வாக்கு ஆகிவிடும் என்ற விபரம் தெரிவிக்கப்பட்டது. வாக்குப்பதிவு இயந்திரங்கள் கையாளுவது குறித்தும் வாக்குச்சாவடி எவ்வாறு அமைக்க வேண்டும் என்றும் மாதிரி வாக்குச்சாவடி அமைத்து பயிற்சி அளிக்கப்பட்டது. ஏற்பாடுகளை எட்டயபுரம் டவுன் பஞ்., உதவி தேர்தல் நடத்தும் அலுவலர்கள் ராஜாமுத்து, மணிகண்டன், ஜோதிபாசு ஆகியோர் செய்திருந்தனர்.