திருப்பத்துாரில், கோல்டன் சூப்பர் மார்க்கெட் உள்ளது. இங்கு திருப்பத்துார் லட்சுமி நகரை சேர்ந்த அந்தோணி, 65, என்பவரும், அதே பகுதியை சேர்ந்த கார்த்திகேயன், 67, என்பவரும், காவலாளியாக பணியாற்றி வந்தனர்.

நேற்று முன்தினம் இரவு, அந்தோணி பணியில் இருந்த நிலையில், நேற்று காலை, 7:00 மணிக்கு, அவரது பணியை மாற்ற, கார்த்திகேயன் சென்றார். அப்போது, அவர்களுக்குள் வாய்த்தகராறு ஏற்பட்டது.

ஆத்திரமடைந்த கார்த்திகேயன், கல்லால் சரமாரியாக தாக்கியதில், தலையில் பலத்த காயமடைந்த அந்தோணி சம்பவ இடத்திலேயே உயிரிழந்தார். திருப்பத்துார் டவுன் போலீசார், கார்த்திகேயனை கைது செய்தனர்.