திருப்பத்துார் மாவட்டம், வாணியம்பாடி, நேதாஜி நகரைச் சேர்ந்தவர் பழ வியாபாரி பசல், 40. நேற்று முன்தினம் வீட்டை பூட்டி வெளியூர் சென்றிருந்தார்.

நேற்று காலை வீடு திரும்பினார். அப்போது, வீட்டு கதவின் பூட்டு உடைக்கப்பட்டிருப்பதைக் கண்டு அதிர்ச்சியடைந்து, உள்ளே சென்று பார்த்தபோது, பீரோ உடைக்கப்பட்டிருந்தது.

ஆனால், அதில் நகை, பணம் எதுவும் இல்லாதததால், திருட வந்த கும்பல், வீட்டின் பிரிஜ்ஜில் இருந்த பாலை எடுத்து, ரோஸ் மில்க் தயார் செய்து குடித்து விட்டுச் சென்றது தெரியவந்தது. வாணியம்பாடி டவுன் போலீசார் விசாரிக்கின்றனர்.