திருப்பூர்;திருப்பூர், ஆண்டிபாளையம் - இடுவம்பாளையம் ரோட்டில் பால்மணி என்பவருக்கு சொந்தமான பனியன் ஏற்றுமதி நிறுவனம் செயல்பட்டு வருகிறது. நேற்று முன்தினம் வார விடுமுறை என்பதால், நிறுவனத்துக்கு விடுமுறை அளிக்கப்பட்டிருந்தது. நள்ளிரவு, 12:30 மணியளவில் நிறுவனத்தில் திடீரென தீ விபத்து ஏற்பட்டது. தீ மளமளவென பரவி, பனியன், நுால் உள்ளிட்ட அனைத்தும் எரிய துவங்கியது. இதை பார்த்த அக்கம்பக்கத்தினர் தெற்கு தீயணைப்பு வீரர்களுக்கு தகவல் அளித்தார். இதையடுத்து, தீயணைப்பு அலுவலர் வீரராஜ் தலைமையில் தீயை அணைக்கும் பணியில் ஈடுபட்டனர். இரவு நேரம் என்பதாலும், தீ அனைத்து இடத்துக்கும் பரவியதால், தீயை அணைக்கும் பணியில் சிரமம் ஏற்பட்டது.