உடுமலை அருகே, அந்தியூர் ஒன்றியம் சடையகவுண்டன்புதுார் உச்சிமாகாளியம்மன் கோவிலில், சித்திரை திருவிழா மூன்று நாட்கள் நடந்தது. முதல் நாள் இரவு, சக்தி கும்பம் அழைத்தல் நிகழ்ச்சி நடந்தது.

மறுநாள் அதிகாலையில் அம்பாளின் திருக்கல்யாண உற்சவம் நடந்தது. காலை, 7:00 மணிக்கு பக்தர்கள் மாவிளக்கு எடுத்தும், முளைப்பாரி இட்டும் வழிபட்டனர்.

மாலை, 3:00 மணிக்கு பூவோடு எடுத்தல் வழிபாடு நடந்தது. இரவு, 8:00 மணிக்கு சக்தி கலைக்குழுவினரின் பவளக்கொடி கும்மியாட்ட நிகழ்ச்சி நடந்தது. நேற்று காலை, 8:00 மணிக்கு சிறப்பு அலங்காரத்துடன் உச்சிமாகாளியம்மன் திருவீதி உலா நடந்தது. பக்தர்கள் மஞ்சள் நீராடினர்.

இன்று காலை, 10:00 மணிக்கு சுவாமிக்கு அபிேஷக பூஜை நடக்கிறது. திருவிழாவில் திரளான பக்தர்கள் பங்கேற்று வழிபட்டனர்.