பல்லடம் கறிக்கோழி ஒருங்கிணைப்புக் குழுவான, பி.சி.சி., செயலர் சுவாதி கண்ணன் கூறியதாவது:

கேரளாவில் தொடர் மழையால், கோழிக்கோடு, மூணாறு, கோட்டயம் உள்ளிட்ட சில மாவட்டங்களில், கறிக்கோழி விற்பனை குறைந்துள்ளது. இருப்பினும், தொடர் மழையால், கேரளாவில் மீன் பிடிப்பு தடைபட்டுள்ளதால், மீன் விற்பனைக்கு மாற்றாக, கறிக்கோழி விற்பனை செய்யப்படுகிறது.

அதே சமயம் மழையாலும், நிலச்சரிவு உள்ளிட்ட பாதிப்புகள் காரணமாகவும், கேரளாவுக்கு செல்லும் கறிக்கோழிகளில், 20 சதவீதம் வரை விற்பனை குறைந்துள்ளது. சில பகுதிகளுக்கு கோழிக்குஞ்சுகள், தீவனங்கள் அனுப்புவதிலும் சிக்கல் உள்ளது.

மழை தாக்கம் குறையும் பட்சத்தில், கறிக்கோழி விற்பனை அதிகரிக்க வாய்ப்புள்ளது.

இவ்வாறு அவர் கூறினார்.