திருப்பூர், காலேஜ்ரோடு, காவேரி வீதியில் உள்ள, ஸ்ரீராமகிருஷ்ண மடத்தில் நடைபெற்று வரும், நாம சப்தாஹம் மற்றும் பக்த விஜயம் சொற்பொழிவில், ஸ்ரீமுரளீதர சுவாமிகளின் சீடர்களான, ஸ்ரீகன்யா சகோதரிகளான ஸ்ரீகன்யா, ஷிவ்கன்யா ஆகியோர் சொற்பொழிவாற்றி வருகின்றனர்.

காலை, 6:00 முதல், மாலை, 6:00 மணி வரை, அகண்ட மஹாமந்திர கீர்த்தனம், மாலை, 6:30 முதல், இரவு 8:30 மணி வரை, பக்த விஜயம் சொற்பொழிவு நிகழ்ச்சி நடக்கிறது. நாளை மாலை, 5:00 மணிக்கு நகர சங்கீர்த்தனம், மாலை, 6:00 மணிக்கு கூட்டுப்பிரார்த்தனை நடக்க உள்ளது. திருப்பூர் பக்தர்கள், மஹாமந்திர கீர்த்தனத்தில் பங்கேற்று, இறையருளுக்கு பாத்திரமாகலாம் என ஏற்பாட்டாளர்கள் அழைப்பு விடுத்துள்ளனர்.