திருப்பூர் மாவட்டத்தில், பிளஸ் 1 பொதுத்தேர்வை, 221 மேல்நிலைப்பள்ளிகளைச்சேர்ந்த, 12 ஆயிரத்து, 219 மாணவர், 14 ஆயிரத்து, 190 மாணவியர் என மொத்தம், 26 ஆயிரத்து, 409 பேர் மற்றும் 111 தனித்தேர்வர், 331 அரியர் மாணவர்கள் என மொத்தம், 26 ஆயிரத்து, 851 பேர் தேர்வெழுதினர்.

இன்று காலை, 9:30க்கு தேர்வு முடிவுகள் வெளியாகிறது. பிளஸ் 1 தேர்வு முடிவுகளை பொறுத்தவரை, கொரோனாவுக்கு முன், 2018, 2019 இரண்டு ஆண்டுகளும் மாநிலத்தில் திருப்பூர் இரண்டாம் இடம் பெற்றது.

கடந்த 2020ல், மூன்று இடங்கள் பின்தங்கி, ஐந்தாமிடத்தை எட்டியது திருப்பூர் ; 2021ல் 'ஆல் பாஸ்'.

கடந்த, 2022ல் பிளஸ் 1 தேர்வில் மாநிலத்தில், 11வது இடம் பெற்ற திருப்பூர், கடந்தாண்டு, 96.83 சதவீத தேர்ச்சியுடன், பத்து இடங்கள் முன்னேறி, மாநிலத்தில் முதலிடம் பெற்று பாராட்டு பெற்றது.

நடப்பாண்டு பிளஸ் 2வில் முதலிடம் பெற்று சாதித்த திருப்பூர், பிளஸ் 1 தேர்வு முடிவில் முதலிடத்தை மீண்டும் பெற்று சாதனை படைக்குமா என்பது இன்று காலை தெரியும்.