திருப்பூர், அமராவதிபாளையத்தில், திங்கள் தோறும் மாட்டுச்சந்தை நடக்கிறது. கடந்த வாரம் நடந்த சந்தைக்கு, 960 க்கும் அதிகமாக மாடுகள் வந்த நிலையில், நேற்று, 947 ஆக மாடு வரத்து குறைந்தது.

நேற்றைய சந்தையில் கன்றுக் குட்டிகள், 2,500 முதல், 3,500 ரூபாய்க்கும், மாடுகள், 29 ஆயிரம் முதல், 32 ஆயிரம், காளைகள், 27 ஆயிரம் முதல், 32 ஆயிரம் வரை விற்பனையானது. எருது வரத்து குறைவாக இருந்த போதும், 34 ஆயிரம் வரை விலை போனது.

முந்தைய வாரத்தோடு ஒப்பிடுகையில், மாடு வரத்து குறைந்தாலும், கால்நடைகள் வாங்க கேரள வியாபாரிகள் குறைவாக வந்ததால், நேற்று விற்பனை களை கட்டவில்லை.