கோவையில் இருந்து திருப்பதிக்கு திருப்பூர், ஈரோடு, சேலம் வழியாக இன்டர்சிட்டி எக்ஸ்பிரஸ் (எண்:22615) இயக்கப்படுகிறது. காலை, 6:10க்கு கோவையில் புறப்படும் ரயில், மதியம், 1:20 மணிக்கு திருப்பதி செல்கிறது. மறுமார்க்கமாக, மதியம், 3:00க்கு திருப்பதியில் (எண்:22616) புறப்பட்டு இரவு, 10:20 மணிக்கு கோவை வந்தடைகிறது.

கோவையில் இருந்து புறப்படும் ரயில் ஞாயிறு, செவ்வாய், வியாழன், வெள்ளி இயங்குகிறது; திங்கள், புதன், சனி இயக்கமில்லை. திருப்பதியில் இருந்து புறப்படும் ரயில் (எண்:22615) ஞாயிறு, செவ்வாய், வெள்ளி இயக்கமில்லை; திங்கள், புதன், வியாழன், சனி இயங்குகிறது. வியாழன் ஒரு நாள் மட்டும் இரு மார்க்கத்திலும் ரயில் உண்டு.

இந்த ரயில் டிக்கெட் முன்பதிவு தொடர்ந்து அதிகரித்து வருவதால், தினசரி இயக்க வேண்டும் என்ற கோரிக்கை வலுத்து வந்தது. இந்நிலையில், கொல்லம் - திருப்பதி இடையே புதிய ரயில் இயக்கம் மார்ச், 16ம் தேதி துவங்கப்பட்டது. ரயில் பயணிகள், திருப்பதி செல்லும் பக்தர்கள் டிக்கெட் முன்பதிவுக்கு உதவ இந்த ரயில் கோவை - திருப்பதி ரயில் இயங்காத நாட்களில் (புதன், சனி) இயக்கப்படுகிறது.

எனவே, டிக்கெட் முன்பதிவு செய்ய விரும்புவோர் இந்நாளில் முன்பதிவு செய்து, எளிதில் டிக்கெட் பெற்றுக் கொள்ள முடியும் என, ரயில் டிக்கெட் முன்பதிவு மைய அதிகாரிகள் தெரிவித்தனர்.