வடக்கு தாசில்தார் மகேஸ்வரனுக்கு அப்பகுதியினர் தகவல் அளித்தனர். இதனால், வடக்கு வருவாய் ஆய்வாளர் சுப்புராஜ் மற்றும் வருவாய் துறையினர் அப்பகுதிக்கு சென்று, மரங்கள் வெட்டி ஏற்றப்பட்ட வாகனத்தை பறிமுதல் செய்து விசாரணை மேற்கொண்டனர்.

வருவாய் ஆய்வாளர் சுப்புராஜ் கூறுகையில், ''புறம்போக்கு மற்றும் பொது இடத்தில் உள்ள மரங்களை எந்த அனுமதியும் இன்றி வெட்டி அகற்றக் கூடாது. இது குறித்து விசாரணை நடத்தி இதில் ஈடுபட்டோர் மீது போலீசில் புகார் செய்து நடவடிக்கை எடுக்கப்படும். இது குறித்து வருவாய் துறை அதிகாரிகளுக்கு அறிக்கை அளிக்கப்படும்,'' என்றார்.அப்பகுதியினர் கூறுகையில், 'எங்கள் பகுதியில் மரங்கள் வெட்டி அகற்றும் சம்பவம் தொடர்ந்து நடக்கிறது. வருவாய் துறையினர் இது குறித்து உரிய விசாரணை நடத்தி இதில் ஈடுபடுவோர் மீது நடவடிக்கை எடுக்க வேண்டும்,' என்றனர்.

------------

திருப்பூர், கல்லம்பாளையத்தில் அனுமதியின்றி வெட்டப்பட்ட மரங்கள் வாகனத்தில் ஏற்றப்பட்டுள்ளன.