அவிநாசி, கிழக்கு ரத வீதி, சிந்தாமணி பஸ் ஸ்டாப் சந்திப்பில், டூவீலர், கார்கள் தாறுமாறாக பார்க்கிங் செய்யப்படுகின்றன. பிற வாகனங்கள் நகர்ந்து செல்ல இடையூறு ஏற்படுகிறது.

- சந்திரமோகன், கிழக்கு ரத வீதி.

விபத்து அபாயம்

திருப்பூர் மங்கலம் ரோடு, குமரன் கல்லுாரி சந்திப்பு சாலை, நால்ரோட்டில் வேகத்தடை அமைக்க வேண்டும். புதிதாக அமைக்கப்பட்ட சாலையில் வாகனங்கள் வேகமாக செல்வதால், விபத்து ஏற்படும் அபாயம் உள்ளது.

- யோகா, மங்கலம் ரோடு.

வாகனங்கள் அதிவேகம்

பல்லடம், கரைப்புதுார் ஊராட்சி, மீனாம்பாறையில் சந்து வீதியில் வாகனங்கள் அதிவேகமாக செல்கிறது. வேகத்தடை அமைக்க வேண்டும்.

- செல்வராஜ், மீனாம்பாறை. (படம் உண்டு)

சாலை சீராகுமா?

திருப்பூர் ஜெய்வாபாய் பள்ளி ரோடு சேதமடைந்து உள்ளது. பள்ளிக்கு வாகனங்களில் வருவோர் தடுமாறுகின்றனர். சாலையை சீரமைக்க வேண்டும்.

- மாரிமுத்து, காதர்பேட்டை. (படம் உண்டு)

கழிவுநீர் தேக்கம்

திருமுருகன்பூண்டி அடுத்த பெரியாயிபாளையம் பஸ் ஸ்டாப் அருகே ஆரம்ப சுகாதார நிலையம் கட்டப்பட்டு வருகிறது. கட்டுமான பொருட்கள் போட்டு வைத்துள்ள இடத்தில் கழிவுநீர் தேங்குவதால் பணி மேற்கொள்வோர் சிரமத்துக்கு ஆளாகின்றனர்.

- ஆறுமுகம், பெரியாயிபாளையம். (படம் உண்டு)

கால்வாய் அடைப்பு

திருப்பூர், 55வது வார்டு, தெய்வானையம்மாள் லே-அவுட் முதல் வீதியில், கால்வாயில் குப்பை தேங்குவதால், அடைப்பு ஏற்பட்டுள்ளது. சுத்தம் செய்ய வேண்டும்.

- கோமதி, தெய்வானையம்மாள் லே-அவுட். (படம் உண்டு)

துவங்காத பணி

திருப்பூர், 39வது வார்டு, சின்னாண்டிபாளையம், சிவபுரத்தில் ரோடு போட ஜல்லிக்கொட்டி பல நாட்களாகி விட்டது. ரோடு போட வேண்டும்.

- செல்வி, சிவபுரம். (படம் உண்டு)

மூடப்படாத குழி

பெருமாநல்லுார், ஈட்டிவீரம்பாளையம் ஊராட்சி, கருக்கங்காட்டுப்புதுார் துவக்கப்பள்ளி செல்லும் சாலையில் குழி தோண்டப்பட்ட பல மாதங்களாகியும் சரிவர மூடவில்லை.

- சரவணன், கருக்கங்காட்டுப்புதுார். (படம் உண்டு)

அகலாத மரம்

திருப்பூர் பார்க்ரோடு நடைபாதையில் மரம் விழுந்து மாநகராட்சி மூலம் அகற்றப்படாமல் அப்படியே உள்ளது. பாதசாரிகள் நடந்து செல்ல வழியில்லை.

- வின்சென்ட்ராஜ், ராயபுரம். (படம் உண்டு)

எரியாத விளக்கு

திருப்பூர் மங்கலம் ரோடு, மாகாளியம்மன் கோவில் துவங்கி, கருவம்பாளையம் விநாயகர் கோவில் வரை ஒரு வாரமாக தெருவிளக்கு எரிவதில்லை. இருள் சூழ்ந்து காணப்படுகிறது.

- ஆனந்த், கருவம்பாளையம். (படம் உண்டு)

காத்திருக்கும் ஆபத்து

திருப்பூர், அவிநாசி ரோடு, பங்களா ஸ்டாப் சிக்னல் சந்திப்பில், சிக்னல் கம்பம் ஒரு வாகனம் மோதி சேதமடைந்துள்ளது. கம்பத்தை மாற்ற வேண்டும்.

- சுரேஷ்குமார், ராம்நகர். (படம் உண்டு)

ரியாக் ஷன்

வெளிச்சம் கிடைத்தது

திருப்பூர், தாராபுரம் ரோடு, ெஷரீப் காலனி வழி, குறிஞ்சி நகர் எக்ஸ்டென்சனில் தெருவிளக்கு மூன்று மாதமாக எரியாமல் இருந்தது. 'தினமலர்' நாளிதழில் செய்தி வெளியானதும், தெருவிளக்கு சரிசெய்து விட்டனர்.

- அருணாச்சலம், குறிஞ்சி நகர்.

திருப்பூர், செங்குந்தபுரம் பகுதியில் அடிக்கடி தெருவிளக்கு பழுதாகி, கும்மிருட்டாகவே இருந்தது. செய்தி வெளியானதும், தெருவிளக்கு சரிசெய்யப்பட்டு, தற்போது எரிகிறது.

- அருண், செங்குந்தபுரம். (படம் உண்டு)

உடைப்பு சீரமைப்பு

திருப்பூர், ஈஸ்வரமூர்த்தி லே-அவுட்டில் குழாய் உடைந்து சாலையில் தண்ணீர் வீணாகியது. செய்தி வெளியானதை தொடர்ந்து, குழாய் உடைப்பு சீரமைப்பு பணி மாநகராட்சி மூலம் மேற்கொள்ளப்பட்டது.

- குமார், ஈஸ்வரமூர்த்தி லே-அவுட். (படம் உண்டு)