பயிற்சி பட்டறைக்கு, சங்கத் தலைவர் சுரேஷ்பாபு தலைமை வகித்தார். 'ரீனா இந்தியா' மேலாளர் நாச்சியப்பன் உள்ளிட்டோர் பங்கேற்றனர். தொழில் வர்த்தக பயிற்சியாளர் பரமசிவம், '5எஸ்' வழிமுறைகள் குறித்து பேசினார்.

அவர் பேசியதாவது:

'5 எஸ்' என்பது ஜப்பானிய வழிமுறை; அவ்வழிமுறையை சரியாக பயன்படுத்தினால், தொழிலை லாபகரமாக கொண்டு செல்ல முடியும். விற்பனையாளர் சந்தை என்ற நிலைமாறி, வாங்குபவர்கள் சந்தை என்ற வகையில் சூழல் மாறிவிட்டது.

தொழில் போட்டியும் அதிகரித்துள்ளதால், லாபம் குறைந்துவிட்டது; தொழில் முனைவோர், தங்களின் நிறுவனங்களில், ஜப்பானிய வழிமுறையான '5 எஸ்' வழிமுறையை பயன்படுத்தலாம். தேவையற்ற செலவு குறைப்பு, சிறந்த தரம், சரியான நேரத்தில் சேவை அளிப்பு, தொடர்ச்சியான கட்டமைப்பு மூலமாக மட்டுமே லாபம் அதிகரிக்கும்; புதிய ஆர்டரும் கிடைக்கும்.

தேவையற்றதில் இருந்து தேவையானவற்றை பிரித்து எடுக்க வேண்டும்; 5'எஸ்' வழிமுறை திருப்பூர் நிறுவனங்கள் பின்பற்றினால், விரைவாக ஒரு லட்சம் கோடி ரூபாய் வர்த்தகம் என்ற இலக்கை அடைய முடியும்.

இவ்வாறு, அவர் பேசினார்.