அவிநாசி ஒன்றியம், சின்னேரிபாளையம் ஊராட்சி, கருக்கம்பாளையம் கிராமத்தில் காட்டு கருப்பராயன் கோவில் உள்ளது. இக்கோவிலில், ஆண்டுதோறும் ஆவணி மாதம் மூலவர் சந்நிதியில் சூரிய ஒளி விழும் அதிசயம் நடக்கிறது.

அவ்வகையில், நேற்று காலை 6:12 மணியளவில் சூரிய கதிர்கள் பரவி மெல்ல மெல்ல ராஜ கருப்பராயன் சுவாமி மீது விழ துவங்கியது. இதனால், மூலவர் 'தகதக' என தங்கம் போல் ஜொலித்தார். தொடர்ந்து மஹா தீபாராதனை நடைபெற்றது. இந்த அபூர்வ நிகழ்வை பக்தர்கள் பயபக்தியுடன் தரிசனம் செய்தனர்.