பள்ளிக்கல்வித்துறை சார்பில், பள்ளி மாணவர்களுக்கான குறுமைய அளவிலான விளையாட்டுப்போட்டிகள் உடுமலை குறுமையத்தில் நடந்தது. போட்டிகளை, உடுக்கம்பாளையம் அரசு மேல்நிலைப்பள்ளி நிர்வாகம் நடத்தியது.

கோ-கோ, கேரம், செஸ் வாலிபால், கபடி, கைப்பந்து, கால்பந்து, பீச்வாலிபால், த்ரோபால், டென்னிஸ், பால் பேட்மிட்டன், உள்ளிட்ட குழு விளையாட்டுப்போட்டிகள், 14, 17 மற்றும் 19 வயதினருக்கான மூன்று பிரிவுகளாக நடந்தது.

இதில், முதலிடத்தில் வெற்றி பெறும் அணிகள் மாவட்ட அளவிலான போட்டிக்கு தகுதி பெற்றுள்ளனர்.

மாணவ, மாணவியருக்கான தடகளப் போட்டிகள், செப்., 4, 5 மற்றும் 6ம் தேதிகளில் அரசு கலைக்கல்லுாரி மைதானத்தில் நடந்தது.

மாணவர்களுக்கான, 1,500 மீ., ஓட்டப்பந்தயம், 400 மீ., தொடர் ஓட்டம், 1,500 மீ., தொடர் ஓட்டம் உள்ளிட்ட போட்டிகள், நீளம், உயரம் தாண்டுதல் உள்ளிட்ட போட்டிகள் நடந்தன. இலக்கை அடைய மாணவ, மாணவியர் களத்தில் போராடி வெற்றி பெற்றனர்.

பொள்ளாச்சி எம்.பி., ஈஸ்வரசாமி முன்னிலை வகித்து, போட்டிகளை துவக்கி வைத்தார். இதில், முதல் மற்றும் இரண்டாம் இடங்களில் வெற்றி பெறும் மாணவர்கள், மாவட்ட அளவிலான போட்டிகளுக்கு தகுதி பெற்றனர்.

பொள்ளாச்சி

பொள்ளாச்சி கிழக்கு குறு மைய அளவிலான மாணவியர் தடகளப்போட்டி, சிறுக்களந்தை விக்னேஷ்வர் வித்யா மந்திர் மெட்ரிக் பள்ளியில் நடந்தது.

போட்டி முடிவுகள் வருமாறு:

100 மீ., ஓட்டம், 14 வயது பிரிவில், விஸ்வதீப்தி சஸ்மிதா முதலிடம், அஸ்மிதா இரண்டாமிடம், மாரியம்மாள் பள்ளி தர்ஷினி மூன்றாமிடம் பிடித்தனர்.

17 வயது பிரிவில், எஸ்.ஆர்.என்.வி., பிரதிகா முதலிடம், எஸ்.சி.எம்., அட்சயசித்ரா இரண்டாமிடம், அன்னை அறிவகம் பள்ளி சுதர்ஷனா மூன்றாமிடம். 19 வயது பிரிவில், மாரியம்மாள் பள்ளி கிருபா முதலிடம், எஸ்.ஆர்.என்.வி., பூஜா இரண்டாமிடம், செல்வமாலதி மூன்றாமிடம் பிடித்தனர்.

200 மீ., ஓட்டம், 14 வயது பிரிவில், மாரியம்மாள் தர்ஷினி முதலிடம், விஸ்வதீப்தி பள்ளி அஸ்மிதா இரண்டாமிடம், எஸ்.ஆர்.என்.வி., அஸ்வினி மூன்றாமிடம். 17 வயது பிரிவில், மாரியம்மாள் பள்ளி ஸ்ரீநிதி முதலிடம், வடசித்துார் அரசு பள்ளி சாலிகா இரண்டாமிடம், எல்.எம்.எச்.எஸ்.எஸ்., பத்மஸ்ரீ மூன்றாமிடம் பிடித்தனர்.

19 வயது பிரிவில், எஸ்.ஆர்.என்.வி., பூஜா முதலிடம், மாரியம்மாள் பள்ளி தீபிகாராணி இரண்டாமிடம், சந்தியா மூன்றாமிடம். 400 மீ., தடை தாண்டுதல், 19 வயது பிரிவில், மாரியம்மாள் பள்ளி பிரியதர்ஷினி முதலிடம், வடசித்துார் அரசு பளளி பாரதி இரண்டாமிடம், சாந்தி பள்ளி நந்திகாஸ்ரீ மூன்றாமிடம் பிடித்தனர்.

80 மீ., தடை தாண்டுதல், 14 வயது பிரிவில், கஞ்சம்பட்டி அரசு பள்ளி கிரிஜாஸ்ரீ முதலிடம், எஸ்.ஆர்.என்.வி., அஸ்வினி இரண்டாமிடம், மாரியம்மாள் பள்ளி சாலினி மூன்றாமிடம். ஈட்டி எறிதல், 19 வயது பிரிவில், வடசித்துார் அரசு பள்ளி இந்து முதலிடம், செஞ்சேரிபுதுார் அரசு பள்ளி மாணவிகள் கோபிகா இரண்டாமிடம், கனிஷ்கா மூன்றாமிடம் பிடித்தனர்.

டிரிபிள் ஜம்ப், 19 வயது பிரிவில், மாரியம்மாள் பள்ளி கிருபா முதலிடம், ஏ.எம்.எஸ்., பவதாரணி இரண்டாமிடம், வடசித்துார் அரசு பள்ளி விஷ்ணுபிரியா மூன்றாமிடம் பிடித்தனர். 4X400 மீ., தொடர் ஓட்டத்தில், 17 வயது பிரிவில் விஸ்வதீப்தி பள்ளி முதலிடம், எஸ்.ஆர்.என்.வி., இரண்டாமிடம், எஸ்.வி.எச்.எஸ்., மூன்றாமிடம். 19 வயது பிரிவில், மாரியம்மாள் பள்ளி முதலிடம், ஏ.எம்.எச்.எஸ்.எஸ்., இரண்டாமிடம், விஸ்வதீப்தி மூன்றாமிடம் பிடித்தன.