தமிழ்நாடு வேளாண் பல்கலை, இந்திய வானிலைத் துறையின் கோவை, வேளாண் ஆராய்ச்சி மையம் இணைந்து, திருப்பூருக்கான வாராந்திர வானிலை அறிக்கையை வெளியிட்டு வருகின்றன. நேற்று துவங்கி வரும், 11ம் தேதி வரை, திருப்பூரில், பகல் நேர வெப்பநிலை அதிகபட்சம், 34 முதல், 35 டிகிரி செல்சியஸ்; குறைந்தபட்ச வெப்பநிலை, 21 முதல், 22 டிகிரி செல்சியஸ் வரை இருக்கும்.

காலை நேர காற்றின் ஈரப்பதம், 70 சதவீதம்; மாலை நேர காற்றின் ஈரப்பதம், 40 சதவீதமாகவும் இருக்கும். சராசரியாக, மணிக்கு, 16 முதல், 22 கி.மீ., வேகத்தில் காற்று வீசக்கூடும்; பெரும்பாலும் தென் மேற்கு திசையிலிருந்து காற்று வீசக்கூடும்.

தற்போது நிலவும் வானிலையில் கால்நடைகள் அதிகளவு தண்ணீர் பருகும் வாய்ப்புண்டு. எனவே, போதியளவு சுத்தமான குடிநீரை கால்நடைகளுக்கு வழங்க வேண்டும். தற்போது நிலவும் வானிலை, கோமாரி நோய்க்கு சாதகமானதாக இருப்பதால், கறவை மாடு மற்றும் உழவு மாடுகளின் வாய் மற்றும் கால் குளம்புகளை பரிசோதனை செய்ய வேண்டும்.