இந்தாண்டு துவக்கத்தில் தக்காளி விலை கிலோ, 100 ரூபாயை எட்டி, இல்லத்தரசிகளை திகைக்க வைத்தது.

எப்போது குறையும்?

கடந்த பத்து நாட்களுக்கு முன் மழையால் உழவர் சந்தை, மார்க்கெட்டுக்கான வரத்து குறைந்தது. ஒரே நேரத்தில், வெளிமாநில, உள்ளூர் வரத்து இரண்டுமே குறைந்ததால், ஞாயிற்றுக்கிழமை ஒரே நாளில் தக்காளி விலை, கிலோ, 35 ரூபாயை எட்டியது. பருவம் தவறி பெய்த கோடை மழை, தக்காளி விளைச்சலை திடீரென பாதித்தது. இருப்பினும், தற்போது மழை குறைந்து விட்ட நிலையில், வரும் நாட்களில் தக்காளி வரத்து அதிகரித்தால், விலை குறையும் என்கின்றனர், விவசாயிகள்.