திருப்பூர்:நடிகர் விஜய், தமிழக வெற்றிக்கழகம் என்ற கட்சியை நிறுவி, சமீபத்தில் கட்சிக் கொடியையும் அறிமுகம் செய்தார். திருப்பூர் மாவட்டத்தில், பல இடங்களில், ரசிகர் மன்றங்கள் கட்சி கிளைகளாக உருவெடுத்துள்ளன.'ஒவ்வொரு வார்டு, கிளைகளிலும் கட்சிக் கொடியேற்றுவோம்' எனக் கூறியிருந்த நிலையில், நேற்று முன்தினம், அவர்கள் கட்சி கொடியேற்ற முற்பட்ட போது, போலீசார் தடுத்தனர். 'அனுமதி பெறாமல் கட்சிக் கொடியேற்றக்கூடாது' என, தெரிவித்துள்ளனர். இதனால், கட்சியினர் கொடியேற்றாமல் திரும்பிச் சென்றனர்.