'வனத்துக்குள் திருப்பூர் -11' திட்டத்தில், மூன்று லட்சம் மரக்கன்றுகள் நட்டு வளர்க்க இலக்கு நிர்ணயிக்கப்பட்டது; இதுவரை, 1.25 லட்சத்துக்கும் அதிகமான மரக்கன்றுகள் நட்டு முடிக்கப்பட்டுள்ளது. இந்நிலையில், அவிநாசி ராயம்பாளையத்தில் நேற்று மரக்கன்று நடும் நிகழ்ச்சி நடந்தது.

சுப்பிரமணியம் - நாச்சம்மாள் தம்பதியருக்கு சொந்தமான ஆலாங்காடு தோட்டத்தில், நேற்று 350 பாக்கு மரக்கன்றுகள் நடப்பட்டன. உரிமையாளர் குடும்பத்தினர் சதாசிவம், புனிதவதி, வித்யுகி, சம்ரித் ஆகியோர் மரக்கன்றுகளை நட்டு வைத்தனர்.

'வனத்துக்குள் திருப்பூர் -11' திட்டத்தில், மரக்கன்று நட்டு வளர்க்க விரும்புவோர், 90470 86666 என்ற எண்களில் தொடர்பு கொள்ளலாம் என, திட்டக்குழுவினர் அழைப்புவிடுத்துள்ளனர்.