உடுமலை சுற்றுப்பகுதிகளில், வெள்ளாடு வளர்ப்பு பரவலாக மேற்கொள்ளப்படுகிறது. பண்ணை முறையிலும், திறந்தவெளி மேய்ச்சல் வாயிலாகவும் இத்தொழிலில் கணிசமானவர்கள் ஈடுபட்டு வருகின்றனர்.

இதில், வெள்ளாடுகளை தாக்கும், 'டெட்டனஸ்' எனப்படும் வாய்ப்பூட்டு நோய் தொழிலில் பொருளாதார சேதத்தை ஏற்படுத்துகிறது.

இது குறித்து, உடுமலை கால்நடை மருத்துவ கல்லுாரியின் மருத்துவவியல் துறை உதவி பேராசிரியர் இன்பராஜ் கூறியதாவது:

'க்ளாட்ரீடியம் டெட்டானி' எனப்படும் கிருமி பொதுவாக வெள்ளாடுகளில் காயங்கள், மொட்டு எடுப்பது, துளையிடும் ஆடுகளுக்கு இடையே சண்டை, நாய் கடித்தல், ஆண்மை நீக்கம், பச்சை குத்துதல், கொம்புகளை அகற்றுதல் மற்றும் குட்டி போடுவதில் சிரமங்கள் (டிஸ்டோகியா) வாயிலாக பரவக்கூடிய ஒரு வகை நுண்ணுயிரியாகும்.

மேலும், சங்கிலியால் கட்டப்பட்ட ஆட்டின் கழுத்தில் தொடர்ந்து தேய்த்தால் தோல் புண்கள் வாயிலாகவும் இந்நோய் பரவலாம்.

நுண்ணுயிரிகள் ஆட்டின் காயத்திற்குள் விரைவாக நுழைந்து, அவை திறந்திருக்கும் போது பெருகி, ஊடுருவிச் செல்லும். இறுதியில், அது வலியை ஏற்படுத்தும்; சக்திவாய்ந்த நச்சுக்களை வெளியேற்றுகிறது.

பெரும்பாலான சந்தர்ப்பங்களில், அவை காயங்கள் வழியாக, குறிப்பாக ஆழமான துளையிடும் காயங்கள் வழியாக திசுக்களுக்குச் செல்கின்றன.

கடினமான கைகால்கள், தசைகள் மற்றும் வால், தாடை வலி அல்லது தாடைப் பகுதி அதாவது வாயை திறக்க முடியாமல் இருப்பதால் இந்நோய் வாய் பூட்டுநோய் என்று அழைக்கப்படுகிறது.

வாயிலிருந்து எச்சில் வடிதல்; நிலையற்ற நடை அல்லது தள்ளாடி நடப்பது; நிமிர்ந்த காதுகள் மற்றும் வால்கள்; தொங்கும் கண் இமைகள் உள்ளிட்டவை அறிகுறிகளாகும்.சிகிச்சை அளிக்காவிட்டால், இரண்டு நாட்களுக்குள் ஆடுகளுக்கு பக்கவாதம் மற்றும் மரணம் ஏற்படலாம்.

இவ்வகையான உயிர்கொல்லி நோய்களை தடுப்பது வெள்ளாட்டுப் பண்ணையாளர்களுக்கு இன்றியமையாத ஒன்றாகும். நோயை தடுக்காவிட்டால் வெள்ளாடுகள் இறந்து பொருளாதார இழப்பு ஏற்படும்.

இந்நோயிலிருந்து ஆடுகளை பாதுகாக்க சினை ஆடுகளுக்கு சினைப் பருவ காலங்களில் தடுப்பு மருந்தை தசை வழியாக செலுத்தலாம். ஆடுகளுக்கு காயம் ஏற்பட்ட உடனே மருத்துவரை அணுகி முதலுதவி பெற்று, 'டெட்டனஸ் டாக்சைடு' மருந்தை செலுத்தலாம்.

சினைப் பருவ காலங்களில் இருக்கும் ஆடுகளுக்கு இம்மருந்தை செலுத்துவது வாயிலாக குட்டிகளுக்கும் 'பிளசன்டா' வழியே சென்று நோய் வராமல் பாதுகாக்கும்.

ஒருவேளை இந்நோய் ஆடுகளை பாதித்தால் அதற்கான மருந்துகளை மருத்துவரை அணுகி பெற்றுக் கொள்ளலாம் பாதிக்கப்பட்ட ஆடுகளுக்கு, 'டெட்டனஸ் ஆன்ட்டி டாக்ஸின்' செலுத்தி பயன்பெறலாம்.

இரண்டு உயிர்கொல்லி நோய்களும் தடுக்கும் வகையில் தடுப்பூசிகள் உள்ளன .தடுப்பூசியை ஆட்டுக்குட்டிகளுக்கு, இரண்டு மாதத்திலும், ஆடுகளுக்கு சினைப்பருவத்திலும், செலுத்தி பாதுகாத்து கொள்ளலாம்.

இவ்வாறு, அவர் தெரிவித்தார்.