நாங்கள் வந்து சென்ற தகவல் தீவிரவாதிகளுக்கு முன்பே கிடைத்தது. நள்ளிரவில் கடக்க வேண்டியவர்கள், முன்பே அந்தப்பகுதியைக் கடந்துவிட்டனர். நள்ளிரவுக்கு முன்பே, அங்கு செல்வதற்காக நாங்களும் புறப்பட்டோம். எங்களைச் சுட்டுக்கொல்வதற்காக அவர்கள் தயாராக இருந்தனர். இது எங்களுக்குத் தெரியாது. அது முற்றிலும் இருள்சூழ்ந்த பகுதி.

நாங்கள் அப்பகுதிக்குச் சென்றடைவதற்கு முன்பே எங்களுடன் வந்த நாய் குரைத்தது. இதனால் சுதாரித்தோம். இரவு நேர தொலைநோக்கி மூலம், தீவிரவாதிகள் நடமாட்டத்தை அறிந்தோம். எங்களுக்கும் தீவிரவாதிகளுக்கும் இடையே சண்டை நடந்தது. தீவிரவாதிகள் தப்பிவிட்டனர். எங்கள் தரப்பிலும் எந்தச் சேதமும் இல்லை. நாய்தான் எங்களுடைய உயிரைக் காப்பாற்றியது எனலாம்.

தற்போது, பல்லடம் அருகே வடமலைப்பாளையம் வி.ஏ.ஓ.,வாகப் பணிபுரிகிறேன். ராணுவப்பணியில் ஈடுபட இளை ஞர்கள் முன்வர வேண்டும்.