கருத்தரங்கிற்கு கல்லுாரி முதல்வர் கிருஷ்ணன் தலைமை வகித்தார். தமிழ்த்துறை உதவி பேராசிரியர் குமார் வரவேற்றார். இணை பேராசிரியர் பாலசுப்ரமணியன், உதவி பேராசிரியர் சிங்கமுத்து முன்னிலை வகித்தனர். திருமுருகன்பூண்டி ஏ.வி.பி., கலை அறிவியல் கல்லுாரி தமிழ்த்துறை உதவி பேராசிரியர் ஸ்ரீபிரியா பேசினார்.

உடுமலை அரசு கல்லுாரி தமிழ்த்துறை இணை பேராசிரியர் குணசேகரன் பேசுகையில், ''சாதித்த பல சாதனையாளர்கள் அவர்களுக்கான இலக்கை தெளிவாக மன உறுதியோடு திட்டமிட்டு வெற்றி பெற்றனர். வென்று காட்டினர். சலனமற்ற மனநிலையே மாணவர்களுக்கு சாதிக்க உதவும்,'' என்றார்.