தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/உள்ளூர் செய்திகள்/திருப்பூர்/ வெற்றியைத் தீர்மானிப்பது 'செயல்' தான்!

 வெற்றியைத் தீர்மானிப்பது 'செயல்' தான்!

 வெற்றியைத் தீர்மானிப்பது 'செயல்' தான்!


ADDED : ஏப் 11, 2026 08:08 PM

Follow on GoogleFavourite on Google

ADDED : ஏப் 11, 2026 08:08 PM


Follow on Google
அ நிறம் | அளவு

திருப்பூர்;திருப்பூர் மாவட்டம் என்றாலே நினைவுக்கு வருவது சுறுசுறுப்பான பின்னலாடை தொழிலும், உழைக்கும் மக்களும் தான். வரும் சட்டசபை தேர்தலில் வெறும் 'அரசியல் பேச்சுகள்' மட்டும் போதாது; அடிப்படை தேவைகளுக்கான 'செயல்வடிவம்' தான் வெற்றியைத் தீர்மானிக்கும் காரணியாக உருவெடுத்துள்ளது.

திருப்பூர் மாவட்டத்தின் அடையாளமான பின்னலாடைத் தொழில், தற்போது பஞ்சு விலை உயர்வு மற்றும் ஏற்றுமதி சரிவு போன்ற காரணங்களால் பெரும் சோதனையைச் சந்தித்து வருகிறது. குறிப்பாக, சிறு மற்றும் குறு தொழில்களைப் பாதுகாக்க முறையான சிறப்புத் திட்டங்களும், தடையற்ற மின்சாரமும், சீரான மின்கட்டணக் கொள்கையும் அவசியம். வெறும் அரசியல் பேச்சுகளைத் தாண்டி, புதிய வேலைவாய்ப்புகளை உருவாக்கித் தொழில்துறையை மீட்டெடுக்கும் செயல்வடிவத்தையே இந்தத் தேர்தல் வெற்றி தீர்மானிக்கும்.

சுகாதாரத் தேவைகள்

நகர்ப்புறங்களில் மழைக்காலங்களில் ஏற்படும் வெள்ளப் பாதிப்புகளைத் தவிர்க்க முறையான மழைநீர் வடிகால் வசதிகளும், சேதமடைந்த சாலைகளைச் சீரமைப்பதும் வாக்காளர்களின் முதன்மை எதிர்பார்ப்பாக உள்ளது. அதேபோல், வளர்ந்து வரும் மக்கள் தொகைக்கு ஏற்ப அவிநாசி, காங்கயம் மற்றும் வெள்ளகோவில் பகுதிகளில் உள்ள அரசு மருத்துவமனைகளைத் தரம் உயர்த்த வேண்டியது காலத்தின் கட்டாயமாகும்.

குடிநீர் தேவை

அவிநாசி மற்றும் பூண்டி பகுதிகளில் நிலவும் தண்ணீர் தட்டுப்பாட்டைப் போக்க 'இரண்டாம் குடிநீர் திட்டம்' என்பது அந்தப் பகுதி மக்களின் பிரதான தேர்தல் முழக்கமாக மாறியுள்ளது. நிலத்தடி நீர்மட்டம் குறைந்து வருவதால், சீரான குடிநீர் வினியோகத்தை உறுதி செய்வது வேட்பாளர்களின் முக்கியப் பொறுப்பாகும். மேலும், மாநகராட்சி மற்றும் கிராமப்புறங்களில் பெரும் சுகாதாரச் சீர்கேட்டை ஏற்படுத்தும் திடக்கழிவு மேலாண்மைப் பிரச்சினைக்கு நிரந்தரத் தீர்வு காணப்பட வேண்டும் என்பதும் மக்களின் நீண்ட கால கோரிக்கையாக இருக்கிறது.

நகர விரிவாக்கம்

வணிக ரீதியாக வேகமாக வளர்ந்து வரும் பல்லடம் போன்ற பகுதிகளில், முறையான வாகன நிறுத்துமிட வசதி இல்லாதது பெரிய பின்னடைவாக உள்ளது. வாகன நெரிசலைக் குறைப்பதற்கான சாலை விரிவாக்கப் பணிகள் மற்றும் ஒருங்கிணைந்த போக்குவரத்துத் திட்டங்கள் குறித்த வாக்குறுதிகள் வர்த்தகர்கள் மற்றும் பொதுமக்களிடையே பெரும் எதிர்பார்ப்பை ஏற்படுத்தியுள்ளன.

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us