திருப்பூர்; திருப்பூர், காங்கயம் கிராஸ் ரோட்டை சேர்ந்த இக்பால், 45 என்பவரிடம் இருந்து, நேற்றுமுன்தினம் பள்ளி சத்துணவு அரிசி மற்றும் ரேஷன் அரிசி 210 கிலோவை உணவுப்பொருள் கடத்தல் தடுப்பு பிரிவு போலீசார் மற்றும் குடிமைப்பொருள் துறையினர் பறிமுதல் செய்தனர். விசாரணையில், செரங்காட்டில் உள்ள மாநகராட்சி நடுநிலைப்பள்ளியில் இருந்து சத்துணவு அரிசியை குறைந்த விலைக்கு வாங்கியதாக இக்பால் தெரிவித்தார். இதன் அடிப்படையில், பள்ளி சத்துணவு அமைப்பாளரிடம் விசாரணை நடைபெற்று வருகிறது.