திருப்பூர் மாவட்டத்தில் ஏ.அம்மாபட்டி, கோவில்வழி ஆகிய இரு இடங்களில் ஆதிதிராவிடர் நலப்பள்ளிகள் உள்ளன. கடந்தாண்டு எட்டு மாணவர், ஒன்பது மாணவி என, 15 பேர் தேர்வெழுதி, 15 பேரும் தேர்ச்சி பெற்றதால், அம்மாபட்டி பள்ளி, நுாறு சதவீத தேர்ச்சி பெற்றுள்ளது

நடப்பாண்டு, மூன்று மாணவர், இரண்டு மாணவி என ஐந்து பேர் தேர்வெழுதி, ஐந்து பேரும் தேர்ச்சி பெற்றதால், நுாறு சதவீதம்.

கோவில்வழி பள்ளியில், 21 மாணவர், 26 மாணவி என, 47 பேர் கடந்தாண்டு தேர்வெழுதினர். 12 மாணவர், இரண்டு மாணவி தேர்ச்சி பெறவில்லை; 33 பேர் தேர்ச்சி பெற்றனர்.

மாணவர் தேர்ச்சி சதவீதம், 42.86, மாணவியர் தேர்ச்சி சதவீதம், 92.81. மொத்த தேர்ச்சி சதவீதம், 70.21. நடப்பாண்டு, 12 மாணவர், 24 மாணவியர் என, 36 பேர் தேர்வெழுதினர். மாணவியர் அனைவரும் தேர்ச்சி பெற்றதால், 100 சதவீதம். மாணவர்களில் மூவர் தேர்ச்சி பெறாததால், 75 சதவீதம்.

கடந்தாண்டோடு ஒப்பிடுகையில் மாணவர் தேர்ச்சி சதவீதம், 32.14 சதவீதமும், மாணவியர் தேர்ச்சி சதவீதம், 7.19 சதவீதமும் உயர்ந்துள்ளது. மொத்த தேர்ச்சி சதவீதம், 8.33 சதவீதம் உயர்ந்து, 91.67 சதவீதமாகியுள்ளது.

கடந்தாண்டு, இரண்டு பள்ளிகளை சேர்ந்த, 24 மாணவர், 28 மாணவியர் என, 52 பேர் தேர்வெழுதினர்; 12 மாணவர், 26 மாணவியர் தேர்ச்சி பெற்றனர். 12 மாணவர், இரண்டு மாணவியர் தேர்ச்சி பெறாததால், மாணவர் தேர்ச்சி சதவீதம், 50 ஆகவும், மாணவியர் தேர்ச்சி சதவீதம், 92.86 ஆகவும் குறைந்தது. மொத்த தேர்ச்சி, 73.08 ஆக இருந்தது.

30 சதவீதம் உயர்வு

நடப்பாண்டு, இரண்டு பள்ளிகளை சேர்ந்த, 15 மாணவர், 26 மாணவியர் என, 41 பேர் தேர்வெழுதினர். மூன்று மாணவர் தேர்ச்சி பெறவில்லை. அதே நேரம், 26 மாணவியரும் தேர்ச்சி பெற்று விட்டனர். இதனால், மாணவியர் தேர்ச்சி சதவீதம், நுாற்றுக்கு நுாறு, மாணவர் தேர்ச்சி சதவீதம், 80. மொத்த தேர்ச்சி சதவீதம், 92.68. முந்தைய ஆண்டை (50 சதவீதம்) விட மாணவர் தேர்ச்சி சதவீதம், 30 சதவீதம் உயர்ந்து, நடப்பாண்டு, 80 சதவீதமாகியுள்ளது.

அதே போல், மொத்த தேர்ச்சி சதவீதம் 19.6 சதவீதம் உயர்ந்து, 73.08 ல் இருந்து, 92.68 சதவீதமாகியுள்ளது. கடந்த முறை மாணவியர், 92.86 சதவீதம் மட்டுமே பெற்றனர். இம்முறை, நுாற்றுக்கு நுாறு சதவீதம் பெற்றுக் காட்டியுள்ளனர்.