உடுமலையின் பிரதான ரோடுகளான, தாராபுரம் ரோடு, ராமசாமி நகர், சந்தை ரோடு உள்ளிட்ட பல்வேறு பகுதிகளில், தினந்தோறும் மாடுகள் சுற்றி வருகின்றன. காய்கறி கழிவுகளை உண்பதற்காக ரோட்டில் எவ்வித கட்டுப்பாடும் இன்றி சுற்றுகின்றன.

இதனால், போக்குவரத்து பாதிப்பு ஏற்படுகிறது. போக்குவரத்திற்கு இடையூறாக சுற்றித்திரியும் கால்நடைகளை, நகராட்சி சார்பில் மீட்டு கோசாலைகளுக்கு அனுப்ப வேண்டும். மேலும், கால்நடைகளின் உரிமையாளர்களுக்கு அபராதம் விதித்து நகராட்சி அதிகாரிகள் உரிய நடவடிக்கை எடுக்க வேண்டும் என, மக்கள் வலியுறுத்தி உள்ளனர்.