பல்லடம் நகராட்சி, 4வது வார்டு, பி.ஆர்., லே-அவுட், குமரன் வீதியில் கொசுத்தொல்லை நாளுக்கு நாள் அதிகமாகிறது. கொசு மருந்து தெளிக்க வேண்டும்.

- சேகர், பல்லடம்.

வாகனங்கள் இடையூறு

திருப்பூர் தென்னம்பாளையம், காமாட்சி அம்மன் கோவில் வீதியில் வாகனங்கள் இடையூறாக நிறுத்தப்படுகிறது. பள்ளி வாகனங்கள் சென்று வர சிரமமாக உள்ளது. போலீசார் கண்காணிக்க வேண்டும்.

- அன்பு, தென்னம்பாளையம்.

n திருப்பூர், 19வது வார்டு, ஜவஹர் நகர் ஐந்தாவது வீதியில் வாகனங்கள் இடையூறாக நிறுத்தப்படுகிறது. கேட்பாரற்ற வாகனங்களை அகற்ற போலீசார் முன்வர வேண்டும்.

- ரஞ்சித், ஜவஹர் நகர்.

வினியோகம் தாமதம்

இடுவம்பாளையம், கிழக்குமேடு நான்கு வீதிக்கு, குடிநீர், 15 நாட்களுக்கு ஒருமுறை தான் வினியோகிக்கப்படுகிறது. குடிநீரின்றி மக்கள் சிரமப்படுகின்றனர்.

- குமரன், இடுவம்பாளையம்.

குழியை மூடுங்க

திருப்பூர் குமரன் ரோடு, ஜி.ஜி., டவர் எதிர் வீதியில் சாலை சேதமாகி குழியாகியுள்ளது. வாகன ஓட்டிகள் தடுமாறுகின்றனர். குழியை மூட வேண்டும்.

- சக்திசண்முகம், நல்லுார்.

சாலை சீரமைக்கலாமே!

திருப்பூர், 24வது வார்டு, அறிவொளி வீதியில், பாதாள சாக்கடை, நான்காவது குடிநீர் குழாய் பதிக்கும் பணி நடந்த போது, சாலை தோண்டப்பட்டது. அப்படியே உள்ளது. சீரமைக்க வேண்டும்.

- ரவிக்குமார், அறிவொளி வீதி.

n திருப்பூர், மங்கலம் ரோடு, எஸ்.ஆர்., நகர் வளைவில் ரோடு குழியாக உள்ளது. வாகன ஓட்டிகள் தடுமாறுகின்றனர். சாலையை சீரமைக்க வேண்டும்.

- பிரபுகுமார், எஸ்.ஆர்., நகர்.

வீணாகும் தண்ணீர்

திருப்பூர் வளர்மதி பஸ் ஸ்டாப்பில் இருந்து, ஈஸ்வரன் கோவில் பாலம் வரும் வழியில் குழாய் உடைந்து தண்ணீர் வீணாகிறது. சாலையும் சேதமாகிறது.

- குரு, வளர்மதி ஸ்டாப்.

n திருப்பூர், அவிநாசி ரோடு, பங்களா ஸ்டாப்பில் குழாய் உடைந்து தண்ணீர் ஒரு மாதமாக வீணாகிறது. குழாய் உடைப்பை சரிசெய்ய வேண்டும்.

- நட்ராஜ், பங்களா ஸ்டாப்.

பஸ் ஸ்டாப்'குடி'மகன்களுக்கா!

குன்னத்துார் பஸ் ஸ்டாப்பில் 'குடி'மகன்கள் உறங்குவதால், பஸ்சுக்கு காத்திருப்போர் அமர முடியாமல் போகிறது.

- சுரேஷ், குன்னத்துார்.

பயன்பாட்டுக்கு வருமா?

திருப்பூர், 51வது வார்டு, அரண்மனைப்புதுார் பொது கழிப்பிடம் சுகாதாரமில்லாமல் காணப்படுகிறது. துாய்மைப்படுத்தி பயன்பாட்டுக்கு கொண்டு வர வேண்டும்.

- மணிகண்டன், அரண்மனைப்புதுார்.

இருந்தும் பயனில்லை

திருப்பூர், கொங்கு மெயின் ரோடு, டி.எஸ்.ஆர்., லே-அவுட் நான்காவது வீதியில், தெரு விளக்கு வெளிச்சம் சாலையில் தெரியாத அளவுக்கு மரக்கிளைகள் வளர்ந்துள்ளது. மரக்கிளைகளை வெட்டி அகற்ற வேண்டும்.

- மனோகர், கொங்கு மெயின் ரோடு.