வழக்கு விசாரணை சென்னை ஐகோர்ட்டில் நடந்து வரும் நிலையில், கோர்ட் தீர்ப்பை எதிர்பார்த்து, பொதுமக்கள், காத்திருப்பு போராட்டத்தில் ஈடுபட்டனர்.

கடந்த, நவ. 28 அன்று, கோர்ட் உத்தரவின்படி, மாசுக்கட்டுப்பாட்டு வாரிய அதிகாரிகள், மாநகராட்சி இடத்தில் ஆய்வு மேற்கொண்டு, அறிக்கை சமர்ப்பித்தனர்.

இதையடுத்து, விசாரித்த கோர்ட், மீண்டும் டிச. 1ம் தேதி விசாரணையை ஒத்தி வைத்தது. இன்று, மீண்டும் வழக்கு விசாரணை நடக்கவுள்ளது.

மீண்டும் போராட்டம்? போராட்டக் குழு ஒருங்கிணைப்பாளர் ஈஸ்வரன் கூறியதாவது:

மாசுக்கட்டுப்பாட்டு வாரிய அதிகாரிகள் ஆய்வறிக்கை தாக்கல் செய்த பின், வழக்கு விசாரணையின் போக்கு மாறியுள்ளது. இதன்படி, இன்று மீண்டும் விசாரணை நடக்க உள்ளது.

இன்று, விசாரணை முடிந்து, ஒருவேளை தீர்ப்பு வெளியாகும் பட்சத்தில், மீண்டும் பொதுமக்களுடன் போராட்ட பந்தலில் கூடுவோம். இல்லையெனில், டிச. 4 அன்று மீண்டும் காத்திருப்பு போராட்டம் நடைபெறும். அன்றைய தினம், பா.ஜ., முன்னாள் மாநிலத் தலைவர் அண்ணாமலை, போராட்ட பந்தலுக்கு வருவதாக உறுதி அளித்துள்ளார்.

எனவே, போராட்டம் தீவிரமடைய வாய்ப்பு உள்ளது. மேலும், பொதுமக்களுடன் ஆலோசித்து, அடுத்த கட்ட நடவடிக்கைகள் மேற்கொள்ளப்படும்.