இதற்காக, நகராட்சி சார்பில், வீடுகள், வணிக நிறுவனங்களிடம், சொத்து வரிக்கு ஏற்ப, ஆண்டுக்கு, 120 முதல், 600 ரூபாய் வரை சேவை வரி வசூலிக்கப்படுகிறது.

ஆனால், பொது மக்களிடையே போதிய விழிப்புணர்வு இல்லாததால், குப்பையை வகை பிரித்து, துாய்மைப்பணியாளர்களிடம் வழங்குவதில்லை.

பிளாஸ்டிக் கழிவு, உணவு கழிவு, அபாயகரமான கழிவு அனைத்தையும் ஒரே கழிவாக, துாய்மைப்பணியாளர்களிடம் வழங்குவதால், அவற்றை தரம் பிரிப்பதில் தொடர்ந்து சிக்கல் நீடித்து வருகிறது.

மேலும், பொது இடங்களில் கழிவுகளை கொட்டும் வழக்கமும் தொடர்ந்து வருகிறது. இதனால், நகராட்சியில் திடக்கழிவு மேலாண்மை திட்டம் கேள்விக்குறியாவதோடு, சுகாதாரக்கேடும் ஏற்படுகிறது.

எனவே, பொதுமக்கள் , வீடுகள், வணிக நிறுவனங்களில் வெளியேற்றப்படும் கழிவுகளை தரம் பிரித்து துாய்மை பணியாளர்களிடம் வழங்க, உரிய விழிப்புணர்வு ஏற்படுத்த வேண்டும்.