'டாஸ்மாக்' மதுக்கடையில் விற்பனை செய்யப்படும் மதுபான பாட்டில்களை விளைநிலங்கள் மற்றும் பொது இடங்கள், ரோடுகளில் வீசி செல்வதை தடுக்கும் வகையில்,மதுவை குடித்த பின், காலி மதுபாட்டில்களை திரும்ப பெற்று, 10 ரூபாய் வழங்கும் திட்டம் அமல்படுத்தப்பட்டது.

இத்திட்டத்துக்கு எதிர்ப்பு தெரிவித்து பார் உரிமையாளர்கள் நேற்று திருப்பூர் அங்கேரிபாளையம் ரோட்டில் உள்ள 'டாஸ்மாக்' குடோனில் திரண்டனர்.

'டாஸ்மாக்' மேலாளரை சந்தித்து மனு அளிக்க இருந்தனர். நீண்ட நேரமாக காத்திருந்த அவர்கள், அதிகாரிகள் இல்லாததால், கலைந்து சென்றனர்.