உள்நாட்டு சந்தையில் பெரிய சவால்கள் ஏற்படுவதில்லை. ஏற்றுமதி வர்த்தகத்தில், வளர்ந்த நாடுகளுடன் போட்டியிட்டு, போட்டிநாடுகளின் கடும் போட்டியை சமாளித்த வர்த்தகம் செய்ய வேண்டிய நிலை உள்ளது. சிறிய நாடுகளும் நம்மைவிட பலம் வாய்ந்த சந்தைகள் ஏராளமாக உள்ளன. சீனாவுக்கு அடுத்தபடியாக, வங்கதேசம் கடும் போட்டியை உருவாக்கி வருகிறது.

இவ்வாறு, சர்வதேச சந்தைகளில் உருவாகும் போட்டியை எதிர்கொள்ள, மத்திய அரசின் உதவி கட்டாயமாகிறது. ஒவ்வொரு ஆண்டும், மத்திய பட்ஜெட் தயாரிப்புக்கு முன், தொழில்துறையினரின் கருத்துக்களை அரசு கேட்டு பெறுகிறது. தொழில் அமைப்பினர், தங்களது கோரிக்கையை கடிதமாகவும் அனுப்பி வைக்கின்றனர். இந்நிலையில், 2026 - 27ம் ஆண்டுக்கான மத்திய பட்ஜெட், வரும் பிப். 1ம் தேதி தாக்கல் செய்யப்படுகிறது.

பட்ஜெட் தாக்கல் செய்ய இரண்டு வாரம் மட்டுமே இருப்பதால், தொழில் அமைப்பினர், தங்களது கோரிக்கையை அரசுக்கு அனுப்பி வருகின்றனர். குறிப்பாக, 'ஏ-டப்' என்ற தொழில்நுட்ப மேம்பாட்டு திட்டத்தை கட்டாயம் நீட்டிக்க வேண்டுமென, கோரிக்கைவிடுத்து வருகின்றனர்.