இறைச்சி விற்க தடை

திருப்பூர் மாநகர் நல அலுவலர் முருகானந்த் அறிக்கை:

நாளை (10ம் தேதி), மகாவீர் ஜெயந்தி கொண்டாடப்படுகிறது. இதனையொட்டி, அன்றைய தினம் மாநகராட்சிக்கு உட்பட்ட பகுதிகளில், ஆடு, மாடு, பன்றி மற்றும் கோழி உள்ளிட்டவை வதை செய்வதும், அவற்றின் இறைச்சிகள் விற்பனை செய்வதும் தடை செய்யப்படுகிறது.

மாநகராட்சி பகுதியில் இயங்கும் இறைச்சி கடைகள் அனைத்தும் மூடப்பட்டு, இறைச்சி விற்பனை தடை செய்யப்பட வேண்டும். மாநகராட்சி ஆடு வதை கூடமும் அன்று இயங்காது. இதனை மீறுவோர் மீது சட்டப்படியான கடும் நடவடிக்கை எடுக்கப்படும்.

இவ்வாறு அதில் தெரிவித்துள்ளார்.