நெரிசலில் பயணம்

இதனால், மத்திய பஸ் ஸ்டாண்ட், பல்லடம் ரோட்டில் இருந்து அரிசிக்கடை வீதி, ஈஸ்வரன் கோவில் வீதி, பெரிய கடை வீதி, கே.எஸ்.சி. பள்ளி வீதி செல்லும் வாகனங்கள் பஸ் ஸ்டாண்ட் ரவுண்டானாவை சுற்றி தாராபுரம் ரோடு வழியாக ஒரு கி.மீ., கூடுதலாக போக்குவரத்து நெரிசலில் பயணித்து வந்தனர்.

தவிர்த்த மக்கள்

இந்த வீதியில் இருந்து மத்திய பஸ் ஸ்டாண்ட் வர வேண்டியவர்கள் நேரடியாக வர முடியாமல், தாராபுரம் ரோடு, மாகாளியம்மன் பஸ் ஸ்டாப் வளைவு சென்று திரும்பி வந்தனர். குறிப்பாக, நகரின் பிரதான சாலைகளில் ஒன்றாக கே.எஸ்.சி. பள்ளி வீதி மற்றும் பழனியம்மாள் பள்ளி வீதியில் 'பீக்ஹவர்' தருணங்களில், நெரிசல் தவிர்க்க முடியாக இருந்தது. 15 நிமிடம் முதல் அரை மணி நேர நெரிசலால், இச்சாலைக்கு வருவதையே வாகன ஓட்டிகள் தவிர்த்தனர்.'புதிய மார்க்கெட் வளாகம் திறப்பது தாமதமானாலும், வீதியை திறந்து பயன்பாட்டுக்கு கொண்டு வருவதில் என்ன சிக்கல்?,' என, தொடர்ந்து வாகன ஓட்டிகள் கேள்வி எழுப்பினர். மாநகராட்சி மற்றும் போக்குவரத்து போலீசார் ஆலோசித்து தினசரி மார்க்கெட் வீதியில் இருந்து தடுப்புகளை அகற்றி, இச்சாலையை தற்போது திறந்து விட்டுள்ளனர்.