பாறைக்குழிகளின் ஆழம் தெரியாது என்பதால், இவற்றை பயன்படுத்துவது ஆபத்தானது. இச்சூழலில், பல்லடம் அருகே, கோடங்கிபாளையம் கிராமத்தில் உள்ள பயன்பாடற்ற பாறைக்குழிக்குள் இறங்கி சிலர் ஆபத்தான முறையில் தேடுதல் வேட்டையில் ஈடுபட்டு வருகின்றனர்.

இது குறித்து கேட்டதற்கு, 'பாறைக்குழிக்குள் கொட்டப்பட்டுள்ளது காஸ்டிங் கழிவுகள் என்றும், இவற்றில் கிடைக்கும் இரும்புகளை சேகரித்து விற்றால் வருவாய் கிடைக்கும்,' என்றனர். செங்குத்தாக உள்ள பாறைக்குழியின் சரிவான பகுதியில் நின்றபடி, தேடுவது உயிருக்கே ஆபத்தாய் முடியும்.