இதுவரை அரசு போக்குவரத்து கழக பஸ்களில் வழங்கப்படும் டிக்கெட்டில், பஸ் பதிவு எண், எந்த கோட்டம், எந்த கிளை பஸ் என்ற விபரம் இடம் பெறாது. தேதி, நேரம் ஒரு சில பஸ் டிக்கெட்டுகளில் குறிப்பிடப்படும். பெரும்பாலான பஸ்களில் இருக்காது.

தற்போது, 90 சதவீத அரசு பஸ்களில், டிக்கெட் வழங்கும் மெஷின் வாயிலாக டிக்கெட் தரப்படுகிறது. இது தவிர, ஜிபே, போன்பே உள்ளிட்ட ஆன்லைன் பரிவர்த்தனை வாயிலாக டிக்கெட் தரப்படுகிறது. இதனால், பயண முழுவிபரமும் தெரிந்து விடுகிறது.

போக்குவரத்து கழக அதிகாரிகள் கூறுகையில், 'அரசு பஸ் டிரைவர், நடத்துனர் செயல்பாடு குறித்து புகார் தெரிவிக்க விரும்பினால், டிக்கெட்டை கொண்டு பயணியர் உயரதிகாரிகளிடம் ஆதாரத்துடன் தெரிவிக்கலாம். சில நேரங்களில், பஸ்களில் ஏதேனும் பொருட்களை தவற விடும் பயணியர், பஸ் பதிவெண் தெரியாமல் தடுமாறுவர். அது போன்ற நேரங்களில், அனைத்து விபரங்களையும் உள்ளடக்கிய பஸ் டிக்கெட் பயனுள்ளதாக இருக்கும்,' என்றனர்.