ஜூனியர் ஆண்கள் பிரிவு ஒற்றையர் ஆட்டத்தில் விருதுநகர் அணியின் சுதர்சன், மதுரை அணியின் சூர்யபிரகாஷ் களமிறங்கினர்; முதல் சுற்று ஆட்டத்தில் 21-13 புள்ளிகள்; இரண்டாவது சுற்றில் 21-15 புள்ளிகள் பெற்று விருதுநகர் அணி முன்னிலை வகித்தது.இரட்டையர் பிரிவில் சுதர்சன், அசோக்குமார் ஜோடி - சூர்யபிரகாஷ், யஸ்வந்த் ஜோடியை எதிர்கொண்டு ஆடியது. முதல் சுற்றில் 23-21; இரண்டாம் சுற்றில் 20-22; மூன்றாவது சுற்றில் 21- 16 புள்ளிகள் பெற்று சுதர்சன், அசோக்குமார் ஜோடி வெற்றி பெற்றது; ஒற்றையர் மற்றும் இரட்டையர் ஆட்டத்தில் 2-0 என்ற செட் கணக்கில் விருதுநகர் அணி வெற்றி பெற்று சாம்பியன் பட்டத்தை கைப்பற்றியது. ஜூனியர் பெண்கள் பிரிவு ஒற்றையர் ஆட்டத்தில் கோவை அணியை சென்னை அணி எதிர்கொண்டது. கோவை அணி சார்பில் ஆதித் அனந்தா - மதுரை அணி சார்பில் சுருதி ஆடினர். முதல் சுற்று ஆட்டத்தில் 21-10; இரண்டாவது சுற்றில் 21-16 புள்ளிகள் பெற்று கோவை அணி முன்னிலை வகித்தது. இரட்டையர் பிரிவு ஆட்டத்தில், கோவை ஆதித் அனந்தா, விகாசினி ஜோடி - சென்னையின் நிக்கிதா, சுருதி ஜோடியை எதிர்கொண்டு ஆடியது; முதல் சுற்று ஆட்டத்தில், 21-4; இரண்டாவது சுற்றில் 21-9 புள்ளிகள் பெற்று கோவை அணி 2-0 என்ற செட் கணக்கில் வெற்றி பெற்று சாம்பியன் பட்டத்தை கைப்பற்றியது.